粒粒芒果布甸

粒粒芒果布甸

大王話要食芒果布甸，找了個簡單的食譜跟著整，又真的好成功! 充滿芒果粒粒，好像在食原隻芒果一樣。這份量可以做到四隻玻璃碗，不用加魚膠粉。


材料
芒果啫喱粉  2盒
細淡奶 1罐 160G
熱水1杯
涷水1杯
芒果2-3個



做法:

今次我買了三個芒果，因為$20一份三隻。我較喜歡買一份份的芒果，因為一定熟嘛!
試過自己揀，開出來先發覺原來未熟，所以酸酸的。哈哈!
好快將三個芒果開邊。

之後用刀橫切直切成一粒粒，再用匙沿芒果皮推出芒果粒。

另外，我將不是一粒粒的就放在另一個碗壓成芒果茸。

用义整爛芒果茸。

也可以這樣製芒果茸。這樣的芒果布甸就有芒果粒粒之餘，還有芒果茸。

芒果粒粒和芒果茸。

準備好芒果就開工喇!將兩盒啫喱粉加一杯熱水。

攪勻至啫喱粉粒溶解。

再加一杯涷水。

再加入一罐160G的淡奶。

加入芒果茸和芒果粒粒。

剛剛整到四大碗，放入雪櫃冷藏幾小時即成。



大家可以加多少少水，整出來就無咁實。而且，兩個芒果的份量都夠的。
食的時候再加花奶就會更滑溜溜...哈哈!